Poslovne vesti - Makedonija

Закупен 90% од "Скопје Сити мол"

Без проблеми тече изградбата на трговскиот центар "Скопје Сити мол" и како што најавува новиот директор на центарот, Ивајло Иванов, ќе се запази рокот - наесен да се случи официјалното отворање.

Дури 90% од деловниот простор е веќе закупен и Иванов очекува до стартот со работа, Центарот да биде комплетиран. Во тек се завршните работи на објектот кој е во вкупна површина од 90.000 квадратни метри и неговата изградба чини 70 милиони евра.

- Станува збор за максимално енергетски ефикасен објект - прв од ваков тип во Македонија. Во него ќе се вработат околу 2.000 лица што многу ќе придонесе за намалување на невработеноста во Скопје - вели Иванов.
Центарот се наоѓа на одлична локација - помеѓу две прометни сообраќајници во Скопје. Иванов вели дека тоа им дава можност на посетителите на "Скопје Сити мол" да дојдат со автомобил, јавен транспорт, велосипед или пеш.

- Важно е што во "Скопје Сити мол" за прв пат ќе се претстават над 40 реномирани брендови, од кои најзначајни секако се Царрефоур, Индитеџ со Зара, Берсхка, Массимо Дутти, Пулл&Беар, Страдивариус, НењЅоркер, мултиплекс кино Цинеплеџџ, Спорт Висион - мулти бренд спортска продавница на 1.000 квадратни метри - нагласува Иванов.

Тој уверува дека "Скопје Сити мол" нема да биде место само за шопинг, туку и место за забава и ќе биде климатизиран.

- Во внатрешноста на "Скопје Сити мол" ќе биде удобно во секое време, ќе има полно работно време почнувајќи од 9 наутро, па до 24 часот. Ќе бидат донесени најновите брендови од Европа и нема да биде потребно граѓаните да одат да шопингуваат во Солун бидејќи и тука ќе имаат нормално место да купат нешто и да се напијат кафе. Таргет ќе ни бидат, исто така, луѓето од Косово и Јужна Србија и "Скопје Сити мол" ќе стане најдоброто шопинг место на Балканот - вели Иванов.